| Bir kişi üç il ardıcıl olaraq Allahdan ona bir oğul nəsib etməsini diləyib dua edirdi. Lakin uzun zaman idi ki, onun duası qəbul olunmurdu. Bir gün kişi çox məyus olub, üzünü Allaha tutaraq belə deyir: ?İlahi! Mən Səndən uzaq olduğuma görə məni eşitmirsən, yoxsa mənə yaxınsan, ancaq duamı qəbul etmirsən??. Kişi gecə yatır və belə bir yuxu görür. Bir nəfər yuxuda ona yaxınlaşıb bu sözləri deyir: ?Əslində, sən üç ildir, Allaha pis sözlər danışan dilinlə, sözə qulaq asmayan qəlbinlə, haram işlərdən çəkinmədən və səmimi olmayan niyyətinlə dua edirsən. Gərək pis söz söyləməkdən əl çəkəsən ki, qəlbin saflaşsın və niyyətin düz olsun?. Bu yuxunu görəndən sonra, kişi öz əməllərini düzəldir, qəlbi saflaşır və o, yenidən Allaha dua edib övlad istəyir. Bir müddət sonra onun bir oğlu dünyaya gəlir. İmam Sadiq bir dostu ilə bazara gedirdi. Onların arxasınca İmamın dostunun köləsi də gəlirdi. İmamın dostu düz, üç dəfə arxaya dönüb köləsini çağırdı, lakin onu görmədi. Yalnız dördüncü dəfə arxaya dönəndə o, köləsini görüb belə dedi: ?Harada idin, ey zinadan doğulan adam??. İmam Sadiq bunu eşidən kimi dostuna bunları söylədi: ?Sən onun anasını zinakarlıqdamı ittiham edirsən? Mən səni yaxşı insan kimi tanıyırdım. Sən demə, sən də pis əməldən çəkinmirsən!?. Dostu İmamın sözlərindən kədərlənib belə dedi: ?Qurban olum sənə, köləmin anası Allaha şərik qoşanlardandır!?. İmam cavabında belə dedi: ?Hər millətin evlənmə (nikah) qayda-qanunları var, bundan xəbərin yoxdurmu??. Yəni hər bir millətin özünəməxsus evlənmə qaydaları var ki, onlar insanları zinadan qoruyur... Yusif Peyğəmbər hökmdar olduğu zaman öz qoca atası Yaqubla görüşür. Yusif atasını qarşılayanda şahlığının şan-şöhrəti onu ələ alır və Həzrət Yusif atasının ayağına atdan düşmür. Elə bu zaman Cəbrail mələk nazil olub, Yusif Peyğəmbərə belə deyir: ?Ey Yusif! Ovcunu aç!?. Yusif Peyğəmbər ovcunu açanda oradan nur saçaraq göyə yüksəlir. Bunu görən Yusif belə deyir: Ey Cəbrail! Mənim ovcumdan çıxan bu nur nə idi??. Cəbrail mələk ona belə cavab verir: ?Sənin nəslindən peyğəmbərlik kəsildi! Qoca Yaqubun ayağına düşməməyinin cəzası kimi sənin nəslindən bir peyğəmbər də olmayacaq?.
| 
Ana səhifə | AzNetin ən yaxşı əyləncə saytı 