Alim: "Azərbaycanda 9 bala qədər zəlzələ ola bilər"
[
]
2011-03-12, 6:33 PM
Yaponiyada baş verən zəlzələ və onun doğurduğu dağıdıcı hadisələrin
nəticələri bir sıra alimləri bədbin proqnoz verməyə sövq edib. Alimlər
ilbəil yer kürəsində seysmik aktivliyin artıdığını əsas gətirərək
dövlətləri daha diqqətli olmağa çağırırlar. Azərbaycan da daxil
olmaqla, bütün bəşəri ölkələr təbiətin bu sərt üzünə hazır olmalıdır.
Bununla bağlı fikirlərini Azərbaycanın tanınmış elm adamı, professor
Budaq Budaqov ANS-ə müsahibəsində açıqlayıb. Onun sözlərinə görə,
Azərbaycanda 9 balla qədər zəlzələ ola bilər. Alim deyir ki, buna görə
də aparılan tikintilərə nəzarət olmalıdır: "Mən o zaman Azərbaycanın
rayonlarına gedəndə görürdüm ki, bir nəfər əlinə bir bel alıb özünə ev
tikir. Kənardan baxıb deyirdim ki, bu ev tikmir, özünə qəbir tikir.
Çünki onun tikdiyi evdə nə sement var idi, nə də ki, digər
materiallar”.
B. Budaqovun sözlərinə görə, bu gün Azərbaycanda aparılan tikintilər 9
ballıq zəlzələyə uyğun gəlməlidir: "Xəzər dənizində Yaponiyada olduğu
kimi dəhşətli bir zəlzələnin olması gözlənilmir. Ümumlikdə,
Azərbaycanda zəlzələ gözlənilmir. Amma bu vulkan püskürməsi ilə ola
bilməz. Çünki Azərbaycanda olan vulkanlar ancaq palçıq vulkanlarıdır.
Yəni bizdə sunaminin olması da gözlənilmir. Amma bununla belə sahil
zonasında gücləndirilmiş tədbirlər və işlər aparmaq lazımdır”.
Ana səhifə | AzNetin ən yaxşı əyləncə saytı 
