 Pop musiqisinin kralı Maykl Cekson 1958-ci il 29 avqustda ABŞ–ın İndiana ştatının Qeri şəhərində anadan olub. Maykl Cekson ailədə 10 uşaqdan 7-ci idi. O, artıq dörd yaşında Jackson Five ailə qrupunun üzvü olub və tezliklə qrupun aparıcı vokalçısına çevrilib. Ata Cozef ailədən ibarət qrup yaratmışdı. Onlar əvvəlcə barlarda və klublarda çıxış edirdilər.
70-ci illərdə qrupun populyarlığı azalmağa başladı, Mayklın solo karyerası isə yüksəldi.
Maykl 1978-ci ildə The Wiz müziklində çəkilir və həmin vaxtdan da məşhur prodüsser və bəstəkar Kuinsi Consonsla birgə işləməyə başlayıb. Maykl onunla birgə növbəti ildə Off the Wall solo albomunu buraxır. Disk ABŞ hit-paradlarında ən yüksək pilləyə qalxır, Dont`t Stop Til You Get Enough mahnısına görə isə Cekson ilk dəfə “Qremmi” mükafatına layiq görülür.
“Off the Wall” (1979) , “Thriller” (1982) və “Bad” (1987) onun ən çox populyar albomlarıdır. “Thriller” albomu isə ən çox satılan albom kimi Ginnesin rekordlar kitabına düşüb. Cekson 19 dəfə "Qremmi" mükafatına layiq görülüb.
Maykl Cekson iyunun 25-də Los Ancelesdə ürək tutmasından vəfat edib. The Sun qəzetinin yazdığına görə, ola bilər ki, Maykl Cekson ağrıkəsici Demerol iynəsi vurulandan sonra nəfəs ala bilməyib. Qəzet Los Anceles xəstəxanasndakı mənbəyə istinad edib. Onun şəxsi həkimi Maykla süni nəfəs verməyə çalışıb, təcili yardım xidməti 8 dəqiqəyə gəlib və o, reanimasiyaya aparılıb. Amma ürəyin fəaliyyətinin bərpası üçün atılan bütün addımlar əbəs olub.
Onun xərçəng xəstəliyinə tutulmasına dair söz-söhbətlər yayılmışdı. Afrika mənşəlilər arasında milyonda bir rast gəlinən və dəridə rəng itkisinə səbəb olan "Vitiligo" xəstəliyinə tutulan Cekson 1980-ci illərdə bir sıra əməliyyatlar nəticəsində dərisinin rəngini dəyişərək ağ etmişdi. O, önümüzdəki ay Londonda təxminən bir il davam edəcək konsert turnesinə başlamalıydı.
Məşhur ulduz yetkinlik yaşına çatmayanlara qarşı zorakılıqda ittiham olunurdu. O, bu səbəbdən 2005-ci ildən demək olar ki, insanlardan təcrid olunmuş vəziyyətdə yaşayırdı. O, məhkəmədə bəraət alsa da bu hadisələr ona çox pis təsir etmişdi. Onu sonuncu dəfə bir neçə ay əvvəl təkərli arabada görmüşdülər. Üzünü qara bir yaylıq, şapqa və əməliyyat maskası ilə gizlədən Cekson uşaqları üçün kitab alıbmış.
Həyatı:
M. Cekson 1994-cü ildə Elvis Preslinin yeganə qızı Liza Meri ilə evlənib və iki il sonra boşanıb. Eyni ildə Debbi Rowe ilə evlənib, onların iki uşağı olub, 1999-cu ildə isə ayrılıblar. Onun iki oğlu, bir qızı var. Onun üç uşağının adları: I Prins Maykl, Paris Maykl və II Princ Maykl 2.
Maykl Cekson İslam dinini qəbul etmişdi.
| 
Ana səhifə | AzNetin ən yaxşı əyləncə saytı 