Bir
neçə gün öncə ölkə ərazisində hökm sürən şaxtalı hava şəraiti geri
qayıdır. Bu gündən başlayaraq ölkə ərazisində havanın hərarəti aşağı
enəcək. Ekologiya və Təbii Sərvətlər Nazirliyinin Milli
Hidrometeoroloji Proqnozlar Bürosunun baş hidroloqu Asif Verdiyevin verdiyi məlumata görə, bu gün Bakıda və Abşeron yarımadasında
buludlu hava şəraiti üstünlük təşkil edəcək. Zəif duman, çiskin olacaq.
Axşama doğru yağış yağacağı gözlənilir. Şimal-qərb küləyi əsəcək, günün
ikinci yarısında arabir güclənəcək. Havanın temperaturu gündüz 7-9°
isti, günün ikinci yarısından başlayaraq temperaturun aşağı enəcəyi,
axşama doğru 0°-yə yaxın olacağı gözlənilir.
Sabah hava
şəraitinin kəskinləşəcəyi, fasilələrlə qar yağacağı gözlənilir. Şimal
küləyi əsəcək, arabir güclənəcək, gündüz yarımadanın bəzi yerlərində
şiddətlənəcək. Çovğun olacağı ehtimalı var. Havanın temperaturunun
anomal gedişi gözlənilir, gecə 0°-yə yaxın, gündüz 2°-dək şaxta olacaq.
Yollar buz bağlayacaq.
Fevralın 6-da hava şəraitinin buludlu
olacağı, arabir qar yağacağı gözlənilir. Şimal küləyi əsəcək, gecə və
səhər arabir güclənəcək, günün ikinci yarısında bir qədər
mülayimləşəcək. Havanın temperaturu gecə 3-5° şaxta, gündüz 0-2° şaxta
olacaq. Yollar buz bağlayacaq.
Fevralın 7-də hava şəraitinin
buludlu olacağı, gecə və səhər qar yağacağı gözlənilir. Şimal küləyi
əsəcək. Havanın temperaturu gecə 3-6° şaxta, gündüz 0-2° şaxta olacaq.
Yollar buz bağlayacaq.
Azərbaycanın rayonlarında da da sabahdan
hava şəraitinin kəskinləşəcəyi, fasilələrlə qar yağacağı, bəzi yerlərdə
yağıntıların intensivləşəcəyi, ayrı-ayrı yerlərdə güclü olacağı
gözlənilir. Şimal-qərb küləyi əsəcək, arabir bəzi yerlərdə güclənəcək,
ayrı-ayrı yerlərdə şiddətlənəcək. Bəzi yerlərdə çovğun olacağı ehtimalı
var. Havanın temperaturu gecə 2-4° şaxta, gündüz 2° şaxtadan 2°-dək
isti, dağlarda gecə 5-10° şaxta, gündüz 2-5° şaxta olacaq. Yollar buz
bağlayacaq.
Fevralın 6-7-də də fasilələrlə qar yağacağı, 06-da
bəzi yerlərdə yağıntıların intensivləşəcəyi gözlənilir. 07-də gündüz
qərb rayonlarında yağıntı tədricən kəsiləcək. Şimal-qərb küləyi əsəcək,
arabir güclənəcək. Fevralın 6-da bəzi yerlərdə çovğun olacağı ehtimalı
var. Havanın temperaturu gecə 2-5° şaxta, gündüz 2° şaxtadan 2°-dək
isti, dağlarda gecə 8-13° şaxta, gündüz 3-8° şaxta olacaq. Yollar buz
bağlayacaq.
| 
Ana səhifə | AzNetin ən yaxşı əyləncə saytı 
